قصيدة حب تبكي

زينوها وأدفنوها والكفن ثوب الزفاف
غصب عنها زوجوها وسلموها للغريب
مجبره ماشاوروها قصدهم شرع العفاف
مادروا أن البنيه مغرمه ولها حبيب
جهزوها وهي تبكي وترتشف الدمع أرتشاف
وخبروها أن موعد الفرح منها قريب
مالقت أحدآفهمها وهمها ناظر وشاف
إن حكت باللي سكنها مالقت لها مجيب
وكانها هي وافقتهم جرعوها الزعاف
حالها من فعل أهلها صار محزن ومريب
والحفل قرب وقامت ترتجف خوف أرتجاف
كل يوم تقول باكر الفرج بأذن الرقيب
باكر يمكن يفهمون قصتي بأخر مطاف
جا باكر ثم عدا وجا بعد باكر عطيب
وعلقواعقد الاناره وأحتشد فرد والاف
أيقنت أن الجرح جرحها ماله طبيب
وإنها لازم تطيع أمرهم وترضى الجفاف
جولها والدمع يغرق جفنها الحلو الرطيب
قالو يالله ألبسي ثوبك اللي للزفاف
كفنوها وفي نظرهم زوجوها للأديب
فرشوها الهم دايم والاسى لها لحاف
ياحسافه دخلوها والحشا يغلي لهيب
وأحكموا قيد البنيه وأسجنوها بألتفاف
وادعتهم وهي تقول حسبي الله الحسيب
رحلتي ماهيب طويله ورجعتي بعد القطاف
سافرت عن دار أهلها وقلبها خطر وصويب
سافرت مع منهو خطفها من أمانيها الضعاف
خايفه مستوحشه والعرق منها صبيب
وقلبها ينبض بذكرى ماضيه فيه أختلاف
حاولت ترضى بقدرها وللحدث هي تستجيب
بس عيت تقنع وعشقها ذاك الضفاف
هو سألها جاوبيني ليه دمعاتك سريب
ليه لي ماتنظرين وأنا زوجك شخص واف
قالت بنبره خجوله أنا في وضع رهيب
غصب عني زوجوني وإطعنوني بالرهاف
هو سكت لحظة تأمل وش أسوي يامجيب
عقله وقلبه نطقها صاحب النخوه يعاف
قال منهو غير حبي يسكن بقلبك نجيب
من تولى عرش قلبك إهتني به ياعفاف
وباكر الرجعه تراها وأمسحي الدمع العجيب
خايف أني أمسكك وأقترف الذنب أقتراف
إضحكت ضحكه وقالت مابعد هالطيب طيب
الله يجازيك عني بالأجر ويسر الطواف
إرجعت وقالت رجعت ياأهل الشرع الغريب
بنتكم جتكم ولكن بعد ذل وحساف
وإبعثت مرسول عاجل أنا جيتك يالحبيب
النذر اللي نذرته صار وافي يامناف
إجلست يوم وتأخر لارساله ولا مجيب
وعقلها يمه تشتت وبدت بالغيبه تخاف
مرها طفل صغير وإسألت عن الصحيب
قال مات ليلة زفافك وأندفن بعد الزفاف
ناحت بحسره الليالي والنحيب
وودعت قبل اللقاء حلمها الزاهي وطاف
إقتلوها مرتين وشابت قبل المشيب
وذاب قلب تعلق والبصر جاه الكفاف
~~~~~~~~~~~~~~~~~~~~~~~~
أتمنى أنها تعجبكم

م

ن

ق

و

ل

والله عجبتني القصيده

والله مشكوور ولايحرمنا من مواااضيعك

تحيااتي...

من جد قصيدة تبكي

يعطيك العافية يالغلا

لاعدمنا جديدك

مشكوووورين على المرور ..