اهلين يا اعضاء
هذا اول موضوع لي في هالمملكة
طبعا حبيت احط اول قصة من تاليفي مع انها مو ذاك الزود
وهي باللكنة الاماراتية ---> الاسلوب الاماراتي
فاستحملوني شوي
واي استفسار لاي كلمة مو مفهومة انا حاظرة
الشخصيات :-
بطلة القصة: غلا
الصديقة الطيبة : فاطمة ( فطوم )
البنت الدلوعة : شوق
البنية الحرشية: عايشة ( عواش )
الملقوفة : نوف
.................................................. .........
في يوم من الايام سارت غلا المدرسة مثل ما اعتادت
وطبعا اول ما وصلت لقت ربيعتها الروح بالروح فطوم
وطبعا غلا وفطوم هم اشطر بنتين في الصف
فاول ما دخلوا الصف......
فطوم: غلا عمري شو بتسوين في اجازة نص السنة؟؟
غلا: صراحة انا احس ان اجازتي بتكون تحفة لان اهلي قرروا انهم يسافرون السعودية علشان يزورون قرايبنا مناك...
فطوم: وانتي بتسيرين وياهم؟؟
غلا: اكيد .. انا اول وحدة بتزهب حق الطلعة لاني متحمسة حق السفرة حييييييييل
ودي اطلع اليوم قبل باجر....
فطوم: هيه .... شكلج متونسة وايد حق الطلعة..
شوي وتدخل نوف في السالفة...
نوف: عن شو يالسين تتكلمون خبروني يلا....
فطوم: خلج فحالج يالرزة
نوف: اهاا ... اكيد تتكلمون عن طلعة غلا للسعودية...
شكلها متونسة وايد لشوفة فارس احلامها فهد...
فطوم: نوفو وخري عن ويهي احسلج....
بعدين دخلت الابلة وسلمت على البنات
ولما يا وقت الاسئلة سالت الابلة سؤال ... قامت غلا وجاوبت عليه..
شوق: حشا ماكو سؤال ما تعرف جوابه !!!!!
عواش: ترا تتحسب انها اشطر وحدة فالصف...
مريوم: حيو ظرابة ... ديك ودياية .... عاشووو
الابلة: بسكم انتو ... ما عندكم احترام حتى حق الابلة؟؟؟؟
يلا وقفوا ورا..
شوق كله منج يا غلا .. انتي اللي تبدين واحنا اللي نتعاقب...
عواش: المفروض انتي اللي تتعاقبين مو احنا...
مريوم: هي يو ...هي يو ... بنوقف ورا.. هي يو يلااا.. ويلست تصفق من الفرحة
نوف: ويييييييييو بتوقفون ورا ويييييو...
شوق: انطمي ياللقفة...
وبعد ما خلصت المدرسة وردت غلا البيت...
غلا: اخيرا بدت الاجازة .... هييييه... بسير بتزهب من الحين حق سفرة باجر
وكانت الصدمة في اليوم الثاني انها مرضت وما قدرت تسافر
فتمت طول الاجازة وهي طفشانة
لين قبل الدوام بيوم
وفي هاليوم اتلقت خبر ان كل اهلها اللي سافروا توفوا في حادث سيارة....
ومن ذيج اللحظة وغلا عايشة حياتها كانها كابوس
فغابت اليوم الاول وداومت اليوم الثاني
وفي المدرسة...
فطوم: اهلين غلا... شحالج تراني اشتقت لج وااااااايد....
شوي وتطالع دمعة تطيح من عين غلا..
فطوم: غلا .. غلا تسمعيني .. غلا شفيج ردي علي....
غلا وهي تصيح: فطوم ساعديني.. انا ما ادري شو اسوي الحين
اهلي كلهم اتوفوا في حادث..
خلاص ما ادري شو اسوي في حياتي....
فطوم: خلاص غلا ... هوني على عمرج وانسي اللي صار... الله قدر لهم انهم يموتون ومايصير نعترض على احكامه
غلا: شلون انسى وهم كلهم توفوا في نفس اليوم.... شي حد يقدر ينسى هالمعاناة..
فطوم: خلنا نسير الصف وبعدين نتفاهم..
و اول ما دخلوا....
شوق: هلا بالشاطرة هلا..
عواش: حشى بس شفت اشكالكم حسيت اني بموت..
فطوم: بسكم عاد خلوا البنية فحالها.. ترا فيها اللي كافيها..
شوق: اونا عاد فيها اللي كافيها ليش شو في اصلا؟؟؟
فطوم: البنية توها اهلها كلهم متوفين وانتو يالسين تتحرشون فيها ؟؟؟
شوق: خلها تستاهل
عواش: شوق حرام عليج تراج زودتيها شوي...غلا انا اسفة ما كان قصدي اجرحج..
شوق: احسن .. يعلج انتي بعد تموتين وراهم...
غلا: بس خلاص... انا ما اريد شي من هالدنيا... بس هدوني في حالي..
وطلعت من الصف وهي تبكي..
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
انها سارت سطح المدرسة وطبت من فوقه وانتحرت
..:: النهاية ::..
يلا استنى الردود
الجمعة ديسمبر 28, 2007 7:37 am
