ALromnci ღ كيوت جديد ღ
عدد الرسائل : 35 رقم العضويه: : 148 مزاجي : تاريخ التسجيل : 18/09/2008
| موضوع: قصيدة عن الرجولة الخميس سبتمبر 18, 2008 9:47 pm | |
| ................................
إذا المـراجل لبـــسة شماغ وعقال ,, قل للعذارى يلبسنّ العمايم
ما عاد يفرق زول حرمه ورجـال ,, دام الفعايل تشبه البعض دايم
المرجـــله ما هيب كلمه وتنقال ,, وتروح ما راحت هبوب النسايم
وإلا خشونة صوت أو رفع الأثقال ,, أو رزة صدور وفعل الزلايم
ولا هي بعد مفتاح موتر وجوال ,, وإلا ردى لسانن حديثه شتايم
المرجله شيمه عن القيل والقال ,, رفيع نفس (ن ) حر بالجو حايم
المرجله عقلٍ وزن وزنه جبال ,, ودون العقل وش فرقنا والبهايم
يا مسندي لو مايل الوقت بي مال ,, يا ولد أبويه يا عظيم العزايم
يا معرب الجدين من العم والخال ,, يا نخوة المفزوع وقت الهزايم
المرجله يا خوي هي طولة البال ,, هي العزم هي الصبر فالظلايم
فيها الكرم عزه دله وفنجال ,, فيها الكرامه عن ردى الطبع شايم
والدين لامنه خذا القلــــب منزال ,, مشى طريق الحق وابليس نايم
ومن لا عرف ربــــه في طيب الحال ,, لابد وقت الضيق بالهم هايم
حتى صلاتك مع جماعات ورجال ,, في خيرها يا خوي نعم الغنايم
ولامن نصف ليلك قم صفي البال ,, يا عظم أجرك بين ساجد وقايم
ولا من رفع ربــي له كل الأعمال ,, حسن الذكر لا قالو فلان صايم
وخلك شريف القصد يا طيب الفال ,, سوء المقاصد فالبيوت الهدايم
واحذر تبيع النفس في دب الأنذال ,, وتتبع خوي إبليس راع النمايم
النـــفس خيل لك إذا كنت خيّال ,, ومن لا قوى نفسه قوته الهزايم
ولا صرت ما تدري لو يش أنت رجال ,, والله خسارة فيك ذبح التمايم
.........................
شرايكمـ ..؟؟ | |
|
mo0ode
عدد الرسائل : 581 رقم العضويه: : 2 تاريخ التسجيل : 06/12/2007
| موضوع: رد: قصيدة عن الرجولة الجمعة سبتمبر 19, 2008 7:40 pm | |
| مشكوووووووووووور اخوي الرومنسي..!! والله القصيده عن جد عجبتني..!! واصل مجهود القوي في المنتدى..!! تحياتي..........................mo0ode | |
|
yo0yo0 ღ مشرفه قسم الكمبيوترღ
عدد الرسائل : 281 العمر : 30 رقم العضويه: : 141 مزاجي : تاريخ التسجيل : 17/09/2008
| موضوع: رد: قصيدة عن الرجولة الأربعاء أكتوبر 15, 2008 7:55 am | |
| صح لسانكـ .. يسلموو على القصيدهـ .. تكبل ... عمتكم / yo0yo0 | |
|